Drejtori sportiv i Sevilla-s, Monchi ka thënë se nuk janë në negociata me Barcelonën për transferimin e mesfushorit, Ivan Rakitic.

Kroati është i lidhur me largimin në “Camp Nou” dhe thuhet se preferon të rikthehet te Sevilla, transmeton portali arbresh.info.

Mirëpo, Monchi i ka hedhur poshtë këto spekulime duke thënë se nuk janë në negociata sepse merkato gjatë kohës së pandemisë është shumë e rrezikshme.

“Nuk jemi në negociata me Barcelonën për Rakitic. Kam dëgjuar dëshirën e Ivan për tu rikthyer një ditë te Sevilla”.

“E falënderoj për këto fjalë dhe interesimin për tu rikthyer, por tani merkato është e rrezikshme. Nuk mund të them se jemi të interesuar të ndonjë sepse nuk është reale”, deklaroi ai.

Të interesuar për Rakitic janë disa skuadra si Atletico Madrid, Juventus, Inter e Manchester United./arbresh.info.